Ishte një moment aspak i mirë disfata e mbrëmshme e Portugalisë kundër Serbisë, gjë që ja mohoi kualifikimin direkt në Botërorin “Katari 2022”.

Tani portugezëve u duhet edhe një sforcim për fazën play-off për të siguruar kualifikimin.

Përmes një postimi në rrjetin social “Instagram”, Cristiano Ronaldo ka inkurajuar shokët e tij të skuadrës pas disfatës me Serbinë.

“Futbolli na ka treguar se, ndonjëherë, rrugët më të vështira të çojnë tek rezultatet e dëshiruara. Rezultati i djeshëm ishte i vështirë, por jo i mjaftueshëm për të na rrëzuar. Objektivi për të qenë në Kupën e Botës 2022 është ende i gjallë dhe ne e dimë se çfarë duhet të bëjmë për të shkuar atje. Nuk ka justifikime. Portugalia do të shkojë në Katar”, shkruhet në postimin e yllit portugez.

 

View this post on Instagram

 

A post shared by Cristiano Ronaldo (@cristiano)

Nuk mjaftuan problemet dhe kriza e rezultateve me Manchester United, tani Ronaldo nuk po kalon një moment delikat edhe me kombëtaren e tij.

Portugalia humbi ndaj Serbisë me rezultat 2-1, me golin e Alexander Mitrovic në minutën e 90-të i cili vendosi gjithçka./Arbresh.info